Linnea og Vilde Vestbøstad er på sirkus for første gong, saman med pappa Karsten.

Ein god del Fitjarbuarar hadde teke turen til Heiane for å få med seg Sirkus Arnardo si 60-årsjubileumsframsyning i kveld. Lukt av sagmugg og drivstoff møtte dei i  sirkusmanesjen og etter kvart store mengder vatn.

Det heile vart uformelt opna av klovnane Jimmy frå Italia og Francesco frå Frankrike. Dei fekk god kontakt med publikum og batt det heile saman på ein stort sett humoristisk måte. Høgast runga latteren under vassleiken deira, som enda med at til og med Are Arnardo vart våt til skinnet. Dei vaksne lo, og ungane lo så dei nesten datt av stolane. 

Ungane vart og særleg fengsla av alle dyra i framsyninga. Den flotte kvite hesten til sirkusprinsessa Helen Arnardo, hunden til den handståande-akrobaten Glen Nicolodi, dei søte ponniane og sist men ikkje minst dei to store flotte elefantane. Med elefantane kom og den «verkelege» prinsessa, ei lita jente som strålte scenevant der ho sat på elefanten sin nakke.

Mange av dei vaksne lot seg mest imponera av den flotte og stemningfulle luftakrobatikken til Duo Splash. Som sirkuset sjølv seier: «Grasiøst og estetisk vakkert, men i nifs høyde.» Den kinesiske gruppa Huachrn Acrobatic Troupe gjorde og sterkt inntrykk med si samstemde sjonglering med diabola og med ballar.

Mannen som drakk drivstoff for jettfly og fylte manesjen med slike flammar at alle kunne kjenna varmen strøyma mot dei, skapte både fasinasjon og ubehag.

I pausen var det høve til å sjå på dyra, og nokre som var både vågale og heldige fekk til og med sitja på elefantnakken.

Ei vanvettig spennande, vanvettig flott, vanvettig imponerande, vanvettig morsom, vanvettig våt og vanvettig varm framsyning som me kjem til å hugsa lenge.

Linnea og Vilde Vestbøstad er på sirkus for første gong, saman med pappa Karsten.
Thea og Torstein Træet har saman med mamma Kitty sikra seg plass på fremste rad. Med popcorn og sukkerspinn er dei klare for show.
Thea og Torstein Træet har saman med mamma Kitty sikra seg plass på fremste rad. Med popcorn og sukkerspinn er dei klare for show.
Flotte, samstemde ponnniar.
Flotte, samstemde ponnniar.
Til liks med mange andre ungar på sirkuset skaffa Katrine L. Thorland seg ei elektrisk
Til liks med mange andre ungar på sirkuset skaffa Katrine L. Thorland seg ei elektrisk «vifte» med lys. Veldig stilfult i mørket.
Fakirkunstnar Anatoni Joukov har slukt fleire liter drivstoff for å laga uttallige slike ildfontener.
Fakirkunstnar Anatoni Joukov har slukt fleire liter drivstoff for å laga uttallige slike ildfontener.
Fantastisk flott luftakrobatikk av Duo Splash.
Fantastisk flott luftakrobatikk av Duo Splash.