I knallhard konkurranse med Odda, vann G93-laget til Fitjar til slutt serien på betre målforskjell.

– Gutane har jobba knallbra, og det var gøy at dei klarte å hala i land sigeren foran Odda og Trio, seier trenar Rune Brakedal som fortel at dei vann, sjølv om dei har måttet nytte seg av seks G 94 spelarar òg. Det seier òg litt om kvaliteten på dei unge G 94-spelarane.

Sjølv om dei har vunne serien, var det likevel ikkje noko slaraffenpreg over treninga på torsdag kveld. -Nei, skal me bli gode til å spela fotball, må me halda trøkket oppe, inspirerte Rune. Og innsatsen var topp, på treninga òg.