Ingve André Strand vann ein suveren siger i dagens NM-runde i Flå i Hallingdal.

Finalen blei ein maktdemonstrasjon frå Invge si side. Han starta i pole position etter sterk innsats i dei innleiande rundane. På den våte og tunge banen med mykje laus grus innleidde Ingve med heatsiger i første omgang. I andre runde blei han nummer to frå bakarste startspor. I tredje omgang kjørte han inn til ein ny heatsiger, og alt låg til rette for ein solid finaleinnsats.

Og der skuffa Ingve på ingen måte. Først blei det omstart i A-finalen, då Ingve leia feltet. Men han let seg ikkje stoppa av det. Han gjekk på nytt i leiing, og kjørte inn til ein suveren siger etter å ha leia finalen frå start til mål.

I skuggen av far sin har Anders Halleråker Strand levert ein solid innsats i Hallingdal i dag. Han blei nummer seks i A-finalen i den minste klassen etter fjerdeplass i første heat og tredjeplass i tredje heat. I andre omgang tok han starten, men snurra rundt og blei ståande fast.

Ingve er naturleg nok hovupersonen i teamet i dag, etter sin suverene siger. – No skal dei få problem med meg i Solør, seier han til Fitjarposten. Han siktar då til neste NM-runde, som går av stabelen 11. august.

Oversikt over sesongen finn du her: