Høgre politikarar frå Fitjar på stand i 2017. Foto: Fitjar Høgre

Fitjar Høgre gjev nominasjonsnemnda 3 veker ekstra til det viktige arbeidet dei har føre seg.

Mange «veteranar» i Fitjar politikken har i år annonsert at dei vil gje seg. Difor er spenninga rundt årets partilister ekstra høg, og mange nominasjonsnemnder har ein vanskeleg jobb i hendene sine.

Høgre-ordførar Wenche Tislevoll er blant dei som har annonserte at dei ikkje vil stilla til attval. Ho har bak seg 16 år i kommunestyret, 8 av dei som ordførar. Mange har sidan venta spent på kven som skal følgja i hennar fotspor som Fitjar Høgre sin ordførarkandidat, i tillegg til resten av lista deira.

Fitjar Høgre annonserte i november at dei skulle ha nominasjonsmøte den siste dagen i januar, men leiar i laget, Jo Kjetil Strand, kan fortelja at dei har utsatt møte til uti i februar.

Difor må me smøra oss med tolmod, og venta litt lengre på lista til Fitjar Høgre, og deira nye ordførarkandidat.

- Annonse -