Fitjar spela i ettermiddag uavgjort 1-1 mot Øygard.

Bortekampen gav såleis eit verdfullt poeng til gutane våre. Fitjar si skåring kom på eit straffespark som Kjell Træet ekspederte kontant i mål.

Her er Agnar Aarskog sin kommentar:

Fitjar fekk eit surt poengtap mot Øygard på laurdag.  Øygard utlikna til 1-1 tre minutt på overtid etter ein straffe.  Straffa vart idømt etter det me vil kalla dommartabbe.  Det var ein som kom inn i vårt straffefelt og la seg flat utan at nokon av våre var i han (godt skodespel) noko Øygard spelarane innrømma etterpå.  Dette burde dommaren avslørt og gitt spelaren frå Øygard gult kort for filming.  I tillegg seier domaren at han skal leggja til 2 minutt, totalt la han til 5 minutt.  I same situasjon vart Trond Henriksen utvist p.g.a. protestar.

Første omgang begynte godt for Fitjar som var beste lag mot eit noko tafatt Øygard lag.  Fitjar hadde fleire sjansar til å gå opp i leiinga, men det vart ikkje noko før Gjert Ståle Olsen vart felt som siste mann. Det var ein klar straffe, og Kjell Træet sette ballen i mål.  Her meiner me at dommaren gjorde sin andre store tabbe for dagen. Øygard spelaren som felte Gjert Ståle Olsen skulle vore utvist.

 

Fitjar fekk i siste halvdel av andre omgang meir enn nok med å forsvara seg, sjølv om Øygard hadde ein egen evne til å leggja innlegga bak mål, men dei nærma seg for kvart minutt som gjekk.  Med bakgrunn i Øygard sin andre omgang var nok resultatet greitt, sjølv om måten det skjedde på ikkje var så greitt.

 

Fitjar har vist seg å kunna matcha dei fleste laga, og me må kunna håpa på at laget tek fleire poeng i kampane som kjem.


Neste kamp er laurdag 18.08. kl 15.00 mot Stord i Fitjar Idrettspark. Håpar mange finn vegen til den godtbiten av lokaloppgjer.