Det unge A-laget til Fitjar måtte nøya seg med eitt poeng mot Vadmyra fredag kveld, sjølv om dei under vegs leia kampen både 2-0 og 4-2.

Fitjar sitt A-lag var fredag kveld i Bergen og bortekamp mot Vadmyra II. Laget fekk ein kanonstart på kampen, innlegget frå Jan Åge Tislevoll blei klinka i mål på volley av Thomas V. Waage og Fitjar leda 1-0 før det hadde gått 3 minutt. Få minutt seinare er Thomas på farten igjen. Åleine med Keeper «chippar» han ballen elegant i hjørna og 0-2.

Fitjar er best første 25 min, og leier fortent. Vadmyra kjem etter kvart meir inn i kampen, og jobbar seg fram til fleire dødballer.  På eit av 1. omgangs siste spark på ballen reduserer dei til 1-2 direkte på frispark frå venstresida. Før det redda Oddgeir eit straffespark etter ei felling inne i feltet.

Vadmyra startar best i 2. omgang, og på frispark frå 17-18 meters hald utliknar dei til 2-2. Det unge Fitjar-laget lar seg ikkje «knekka» av dette, men kjem sterkt tilbake. Først gir Jan Åge Tislevoll laget igjen ledelsen etter ein retur fra tverliggjaren etter eit Kjell André Thorland-frispark.

Så er Thomas igjen på farten, og 5. divisjons toppscorar lagar sitt tredje mål for dagen og sitt 12 seriemål for året. Dermed leier Fitjar-gutane igjen med to mål.

Vadmyra skapar raskt ny spenning i kampen med redusering til 3-4 på straffe. Når så klokka passerer 90 minutt, og det ser ut som om Fitjar-gutane har ridd av «stormen», får Vadmyra corner. På corneren utliknar Vadmyra til 4-4 etter eit klart angrep på keeper Oddgeir Træet. Veldig bittert å mista sigeren på overtid, spesielt på eit mål som ikkje burde vore godkjent.

Trenar Stein Gunnar Halleråker gir likevel ros til Fitjar-gutane for å ha gjennomført ein god bortekamp. Heile laget la igjen ein solid innsats og skal vera bra fornøyd med prestasjonen, meiner han. Roger Almås og Nils Ingard Tislevoll var ute med skade, og Henrik R. Kjelling måtte tidleg av banen med ryggskade. I tillegg er Leif Tore Aarland ute til hausten, men likevel er det konkurranse om plassane på laget.

Trenaren ser lyst på framhaldet om laget tar med seg innsatsen frå dagens kamp vidare til neste kamp, som er i Bergen komande fredag mot Nordnes.