– Eg må få lov å rosa dei flotte 10. klassingane våre for ein flott tur til Polen og Tyskland, skriv ein av foreldra som var med 10. klassingane på tur.

– Me har køyrt masse buss og sett mange ting som har gjort stort inntrykk på oss alle. Det har òg vore tid til å shoppa ein del, og mest av alt har me hatt det fantastisk kjekt, heiter det.

Vidare heiter det: – Me har hatt 53 ungdommar med oss, og ikkje ein av dei har funne på noko tull! Skryt har det derimot vanka frå fleire hotell, og frå Kielferja, om at me hadde så høfleg og kjekk ungdom med oss.

Så foreldra, og ikkje minst ungdommane sjølv, kan vere stolte!

Eg er gjerne med å arrangere ein slik tur til for denne gjengen, let det til slutt.