Påska kjem tidleg i år, og Fitjar Idrettslag er snart klar med årets turorientering. Dei har alt lagt ut postane, og salet av turorienteringsmappene startar laurdag 15. mars, fortel Øyvind Skålevik i orienteringsgruppa.

I år har o-gruppa lagt ut i alt 42 postar i Rossneset, på Fitjarstølane, ved Svartavatnet og i Vekslio på Sæterbø-kartet. Også i år ligg postane slik at dei skal vera greie å nå saman med borna. Postane blir liggjande ute frå påske fram til 1. september. Pose med informasjonshefte, kart med innteikna postar, kontrollkort m.m. kostar kr. 120, og kan kjøpast hos Odd Larsen AS.

I fjor prøvde O-gruppa seg med TurO på nett, og gjentar dette i år. Dersom du vil delta på nett, kan gå du til www.turorientering.no og klikka deg inn på klubben din frå oversikta. Her er det berre å registrera seg som brukar og logga inn. Etter kvar tur registrerer du postane dine på nettet. Her kan du halda oversikt over kor mange poeng du har, og samanlikna med andre. Du kan og skriva inn korleis turen var, ver og vind, og kor mange postar du var innom osv.

TurO-kontakt i idrettslaget er Annar Westerheim, 5410 Sagvåg. Du kan levera inn kontrollkort til han ved sesongslutt og få diplom, eller få kjøpt TurO-merke. Kontrollkort kan naturlegvis og leverast inn til ein av dei andre styremedlemmene: Sigmund Sætre, Per Audun Kloster eller Øyvind Skålevik. Fortel sistnemnde, som ønskjer oss god tur – med meining.