Lars Rydland Sæbø, er godt i gang i skirennet.Foto: Ingrid Hovstad

Sjølv om vêret ikkje synte seg frå si beste side på søndag, vart det ein triveleg ake-og skidag på Heio. Godt frammøte var det òg.

-Ja, dette freistar til gjentaking, seier Ida Marlen Havn i arrangørstaben. -Det var svært kjekt at det kom så mykje folk når vêret var heller dårleg. Det einaste me må rette på til neste år er å finna ein høveleg akebakke for dei minste.

Akebakke for dei største var det derimot, sjølv om ikkje altfor mange nytta seg av dette tilbodet. Men bakken ved det gamle hønsehuset til Harald Rydland er super både for skikøyring og aking.

Det syntest i alle høve Viktor Fjelltun (6), Jonas Maraas Moldskred (8) og Benjamin Fjelltun (10) som var på plass i bakken når me kom på vitjing.

-Råkul bakke. Bratt og med mange gøye humpar, lo dei.

Skirennet gjekk på garden til Lars Rydland der mange små synte at dei har lært eit og anna om både konkurranse og teknikk denne vinteren.

Lars Rydland Sæbø, er godt i gang i skirennet.Foto: Ingrid Hovstad

Silje Rydland vinn med ein kjempe-slutt-spurt. Foto: Ingrid Hovstad
Silje Rydland vinn med ein kjempe-slutt-spurt. Foto: Ingrid Hovstad

Nils Birger Vestbøstad går i mål. Foto: Ingrid Hovstad
Nils Birger Vestbøstad går i mål. Foto: Ingrid Hovstad