Jonas Yang Tislevoll avgjorde kampen for Fitjar mot Bønes. Foto: FP-arkiv/KR.

Med ei scoring av Jonas Yang Tislevoll rette etter pause sikra A-laget til Fitjar seg tre viktige poeng i bortemøtet mot Bønes laurdag ettermiddag.

Fitjar kom frå eit relativt klart tap for Vadmyra på torsdag då dei reiste til Bergen i dag. Der venta Bønes, som ikkje greidde å stilla lag i sin kamp midt i veka, mot serieleiar Austevoll.

Trenar Jan Åge Tislevoll rapporterer frå ferja om god stemning etter at gutane hans har sikra seg tre særs viktige poeng i Bergen. Jonas Yang Tislevoll scora rett etter pause, og det var nok til å berga tre poeng for hardt prøvde fitjargutar. Dagens mann, i tillegg til målscoraren, er Ruben Træet, som redda eit straffespark i det 78. minuttet.

Første omgang var jamspelt, men Fitjar hadde god kontroll defensivt. Og etter den gode starten på andre omgang gjekk det endeleg rette vegen for Fitjar. Bortsett frå straffesparket som blei redda, hadde Fitjar bra kontroll, og hadde fleire feite sjansar til å punktera kampen.

Fitjartrenaren rapporterer om kjempegod laginnsats, og han vil spesielt trekkja fram ungdommen Joakim Malkenes Fitjar. Elles nemner Jan Åge veteranen Isak André Hanssen Grov, som hadde sin debut for Fitjar i dag.

– Han var flink å dra med seg dei andre, og vil heilt sikkert bidra for oss utover hausten, seier ein fornøgd Jan Åge Tislevoll.

Tabellen i 5. divisjon avd. 02 ser no litt betre ut for Fitjar sin del. Neste sjanse til poeng er torsdag 29. august, heime mot serieleiar Austevoll.

Ruben Træet redda straffe og blei dagens mann for Fitjar mot Bønes. Foto: FP-arkiv/KR.

Bønes – Fitjar 0-1 (0-0)
Seriekamp 5. div. menn avd. 02
Fjellsdalen idrettsplass, kuntgras
Laurdag 24. august kl. 13.30

- Annonse -

Mål: 0-1 Jonas Yang Tislevoll (46.)

Gult kort: Helge M. Træet, Ronny René Bjellebø, Jonas Yang Tislevoll og Joakim Malkenes Fitjar, alle Fitjar.

Dommar: Kristoffer Harald Sontum, Smørås IL

Fitjar sitt lag mot Bønes:
Ruben Træet, Svein Arne Jordan Raunholm, Emil Sæterbø Fitjar, Helge Myrmel Træet, Ronny René Bjellebø, Isak André Hanssen Grov, Joakim Malkenes Fitjar (Jan Åge Tislevoll 87.), Kristian Træet, Leif Tore Nesbø Aarland (k – Andreas Vestbøstad 90.), Adrian Mehammer (Jacob Myhre 63.) og Jonas Yang Tislevoll.