A-laget til Fitjar lukkast ikkje mot Trott på kunstgraset i går kveld, og måtte tola tap 0-1.

Dei friske taktene til toppscorar Thomas V. Waage såg me ikkje så mykje til denne gongen. Heller ikkje dei andre Fitjar-spelarane hadde nokon stor kveld på «kunsten» i går, og alt i alt var 1-0-sigeren til Trott vel fortent.

Men heller ikkje Trott viste seg som noko stort lag. Framover hadde dei ikkje så mykje å by på, sjølv om dei hadde dei fleste sjansane i kampen. Men i forsvar viste gjestene frå Nordbygdo seg svært så godt organiserte. Med mange man på rett side sørgde dei for at Fitjar-gjekk seg fast i Trott-sekken gong på gong. Dermed kom ikkje frustrerte heimespelarar til mange opne sjansar. Og utover i kampen gjekk pasningsspelet på midtbanen i oppløysing.

Trott kunne og burde gått opp til 1-0 etter fem minutts spel i andre omgang. Forsvararane til Fitjar lurte kvarandre, og sleppte Trott altfor lett gjennom. Fitjar-keeper Oddgeir Træet måtte ut mot hjørnet av 16-meteren for å rydda opp, og tok godt tak i Trott-angriparen. Dommaren såg ikkje det klare traffesparket som 40 frostige tilskodarar venta på. Men tre minutt før slutt kunne han ikkje unngå å dømma, etter ei klar felling inne i Fitjar-feltet. Fredrik Gundersen sette straffesparket sikkert i mål, slik at gjestene kunne ta ein vel fortent siger med seg heim til Nordbygdo.

Fitjar-trenar Kjell Træet såg det same som oss, og var ikkje særleg fornøgd med kampen. No ser han fram til neste kamp i vinterserien, mot Bremnes på bortebane tysdag 5. mars.

Lagoppstillinga til Fitjar (4-2-3-1):
Oddgeir Træet (90 min.), André Mini Helland (45 min.), Martin Vestbøstad (90 min.), Nils Ingard Tislevoll (65 min.), Bernt-Ove Maraas (90 min.), Helge Træet (45 min.), Lars Fitjar Waage (73 min.), Øyvind Fykse Lie (90 min.), Mats Brakedal (90 min.), Jan Åge Tislevoll (62 min.), Thomas V. Waage (83 min.) Reservar: Torbjørn Korsvik (45 min inn for Helge) , Tobias Vestbøstad (45 min. inn for Mini), Geir Steffen Tranøy (35 min. inn for Jan Åge Tislevoll), Emil Fitjar (25 min. inn for Nils Ingard Tislevoll), Jonas Tislevoll (17 min. inn for Lars Fitjar Waage).