Politiet. Foto: Cassandra G. Jespersen/Stord24

Ulukka skjedde ved Levåg i 12:40-tida onsdag.

– Førar er ved medvit og framstår som uskadd, skreiv politiet på Twitter like før klokka 13.

Naudetatane var då på veg til staden.

Nikolai Austrheim i politiet sin operasjonssentral stadfester at utforkøyringa er ei singelulukke og at sjåføren, ei kvinne i 70-åra, framstår uskadd.

– Dei køyrer ho til legevakt for sjekk.

Ifølgje Austrheim har kvinna kome over i motsatt køyrefelt og treft autovernet, men han kan ikkje sei noko om årsak eller om dei materielle skadane. Bilen har blitt taua bort av bilbergar.

– Politiet har teke avhøyr av førar og vitne. No er dei ferdige på staden og vegen er opna igjen, opplyser han til Stord24 like etter klokka 14.

Politiet har oppretta sak.