Tone Sandtorv Brakedal deltok i Framolekene i Bergen i helga, og kom heim med seks medaljar.

Det er trenar Bård Inge Bø som fortel dette til Fitjarposten.

Ho vann tre av øvingane. I lengde vann ho med resultatet 4,78 meter og årsbeste utandørs, i tresteg med 10,61, 9 cm bak personleg rekord, og på 60 meter hekk vann ho på 9,63 sekund. På hekken forbetra Tone sin eigen årsbeste i landet og pers med fire hundredelar.

På 60 meter blei ho nummer to, etter ein litt dårleg start, men resutatet var så sterkt som 8,31. Ho oppnådde også to tredjeplassar i konkurranse med jenter som er eitt år eldre, på 100 meter flatt med tida 13,3 og på 80 meter hekk med 12,77 sekund. Begge desse tidene er personlege rekordar.

Tone måtte stå over den sjuande øvinga, 200 meter, då kreftene ikkje strakk lenger, fortel trenar Bård Inge Bø til slutt.

– Men seks medaljar på seks startar for Tone og Fitjar – ingen annan klubb var i nærleiken av eit slikt resultatgjennomsnitt!