”Hei mamma” med Marit Norheim Olde frå Voss. Ole Bergesen og Petter Aagaard hjelper til. Foto: Heine Aarbø

Både Nokas-saken og den ufordragelege fitjarbuen er klare for finalen under revyfestivalen på Høylandet.

Reisebrev frå Høylandet

NM i revy – på Høylandet – 5 mil nord for Namsos – ca 23 mil nord for Trondheim. Det er sirkus og moro frå tidleg til seint! Nokon har kjørt frå Fitjar, 1007 km heimafrå! Andre har tatt fly, og andre igjen har tatt tog – frå Voss te’ Oslo, Oslo-Trondheim, og so, etter ein betre middag i Nidarstaden (ikkje te å forveksla med Tigerstaden), tog Trondheim – Grong, og buss til Høylandet. Det er NM i moroskap og revy – Herregud kor løye me har det!

Høylandet er ei lita bygd med 1.200 innbyggjarar. Denne helga har bygda ca 20.000 gjester frå heile landet. Alle er her for å konkurrere om dei gjevaste prisane; beste monolog, beste vise/musikalske innslag, beste sketsj, beste tekst, beste mor, beste sceneframføring, publikumsprisen, juryens fripris, NRK’s-radiopris, og ikkje minst Norsk Tollingforbunds Tollingspris, Peter Bergs innsatspris og Lorents Mørkveds ungdomspris. Det er nok å ta av.

Frå Hordaland har ein frå tidlegare vunne Tollingprisen, Juryens fripris og publikumsprisen med Ole Bergesens ”Dirigenten” i 1995, og same revynummer vart i 1997 kåra til tidenes revynummer! Heia Fitjar og heia Hordaland!

I år er Marit Norheim Olde frå Voss med i konkurransen med ”Hei mamma”

”Hei mamma” med Marit Norheim Olde frå Voss. Ole Bergesen og Petter Aagaard hjelper til. Foto: Heine Aarbø

 

Marit og gutane var på scena torsdag, men klarte, diverre ikkje kvalifisere seg til finalen.

Fredag kveld var Fitjarbuen på den store scena. Omlag 2.500 tilskodarar i eit enormt telt. Jammen skal det både dyktighet og mot til for å våga stå der aleine!

Foto: Siv Grete
Foto: Siv Grete

 

Ole Bergesen er ufattelig dyktig, og med Fitjarbuen tok han publikum med storm! Rett til finalen i NM i
revy 2009! Hipp hurra!

Laurdag føremiddag. Me er ein spendt gjeng som sig mot dagteltet. I dag skal Fitjar revylag i ilden med Nokas-saken. Petter Aagaard, Geir Bjarte Hatlevik, Ole Bergesen og Henning Wichmann er ikkje mindre spendte. Me i heiagjengen ler og skrattar og nyt regndråpane som lett duskar seg i håret. Me er oppstemte og glade. Gutane entrar scena, me held pusten…

 

Nokas-saken får teltduken til å letta seg av latter frå publikum!

Herregud kor stolte me er!

Folk ler so dei grin – applausen vil ingen ende ta! 

Me e’ so stolte tå gutane!

 

Jubelen blir ikkje mindre då publikumsprisen for dagforestillinga laurdag går til Fitjar revylag og Nokas-saken!

HURRAAAA!  

Gu’ kor gøy!

Å koma til finalen er ein stor seier, og begge nummera frå Fitjar gjekk vidare! 

Me e’ superglade – og veldig spendte på koss da går i kveld. Ikkje mindre enn to finaleforestillingar skal spelast. Fyrste kl. 18.00 og siste kl. 22.00. Heile to forestillingar må til for at alle skal få sjå – og teltet tek nær 3.000!

Dette er STORT! 

Helsing the Fitjar crew på Høylandet
Ivar, Heine, Siv Grete, Endre, Ellinor

Les meir om Revyfestivalen på Høylandet i andre medier:

Fornøyelig Nokas-sak
Siste kvalifiseringsforestilling svingte kvalitetsmessig, men firekløveret fra Fitjar revylag imponerte og stakk av med publikumsprisen med «Nokas-saken». (namdalsavisa.no)