Fotballgruppa melder at dei også i år skipar til TINE fotballskole i starten på skuleferien.

I år er det 11. gongen fotballgruppa i Fitjar Idrettslag arrangerer fotballskulen, som varer i tre dagar, 28. – 30. juni. Åstaden er Fitjar Idrettspark, og fotballgruppa reknar med å ta imot rundt 100 unge, håpefulle fotballspelarar.

Geir Tore Søreide , Arild Træet, Roger Almås og Martin Nysæther har ansvar for aktivitetane. Desse vert å møta i idrettsparken alle tre dagane. Fleire vaksne vert og med for å administrera dei unge aktive. 18 ungdommar frå klubben deltar som instruktørar. Ungane får eit Tine-produkt og oppskoren frukt kvar dag, men det er fint om borna har med niste i tillegg. Fotballskulen varer frå kl. 10.00 til 14.00 måndag, tysdag og onsdag

Fotballeiar Sonja Fitjar Waage melder at der er nokre få ledige plassar att. Dei som ønskjer å melda seg på i siste liten, kan ta kontakt med Geir Tore Søreide: geir.t.soreide@haugnett.no.