Revylivet i Fitjar blomstrar, og ikkje før sommerrevyen «Ti for Galskap» er over, reiser delar av gjengen til NM i Revy på Høylandet 9.–12. juli.

Under fjorårets revyfestival Berre Galskap på Fitjar vann ”Nokas-saka” prisen for beste nummer og var direkte kvalifisert til den store finalen på Høylandet. Medverkande på scenen blir Henning Wichmann, Geir Bjarte Hatlevik, Ole Bergesen og Petter Aagaard.

Ole Bergesen skal også delta i konkurranssen med ”Fitjarbuen” så får me sjå om den sympatiske likestillingsmannen glir inn hos den menige trønder.

Fitjar Teaterlag har stolte tradisjoner frå NM i revy. «Ferjedirigenten» stakk av med ikkje mindre enn 3 prisar i 1995. To år seinare vann det same nummeret prisen for tidenes revyfestivalnummer.

Det er tøff konkurranse der 100 nummer som deltar i konkurransen er plukka ut blant 4-500 innsendte forslag. Disse 100 nummera skal gjennom kvalifiseringar der det blir kjempa om finaleplass blant 20 innslag. Finalen er fordelt på 2 forestillingar laurdag kveld. Det er plass til 2500 personar i kveldsteltet der finalene skal gå, og det er eit eige telt til dagforestillingar med plass til 2000. Så det er eit stort arrangement.

Det må også nemnast at Petter Aagaard i tillegg til å vera med på Nokas-saka også skal vera frontfigur og vokalist i gruppa ”Funky Town”, som skal spela i restaurantteltet alle kveldane for ca. 1500-2000 personer per kveld.