Glade fitjarfolk på karate i Sandslihallen i Bergen. Foto: Privat.

Tolv karateutøvarar frå Fitjar har vore på haustgasshuku i Bergen denne helga, og Marit Rostad Solli kom heim med brunt belte.

Ho var den einaste frå Fitjar-delegasjonen som graderte til nytt belte under den store samlinga i Sandslihallen. Dei andre som deltok frå Fitjar denne gongen var:

Helena Solli, Marit Solli. Lars Olai Solli, Patrick Miland Helland, Sukhwinder Koløen, Nils Arve Helland, Hans Christian Helland, Leander Miland Helland, Victoria Maraas, Sigurd André Maraas, Geir Håkon Hillestad og Daniel Marszałek.

Årets haustgasshuku i Sandslihallen samla over 400 deltakarar, som fekk trena under kunnig leiing av instruktørar i verdsklasse frå Japan, England og Noreg.

Hovudinstruktør Sukhwinder Koløen fortel at fitjarkrigarane overnatta på hotell i Bergen frå torsdag til søndag, og dei nytta høvet til å gå ut og eta i lag.

– Litt sosialt må til, og små og store koste seg i lag, seier Sukhwinder, som nyttar høvet til å gratulera Marit Rostad Solli med brunt belte.

400 deltakarar og instruktørar i verdsklasse frå Japan, England og Noreg i Sandslihallen i helga.