Ein drosjesjåfør meldte kl. 04.18 i natt at han var slått ned og hadde fått brekt nasen. Dette skjedde ved avslutninga av ein drosjetur til Fitjar.

Det fortel operasjonsleiar Jarle Utne-Reitan ved Haugaland og Sunnhordland politidistrikt.

Sjåføren hadde fått den sinte passasjeren ut av drosjen og låst seg sjølv inne i bilen. Gjerningsmannen, ein rusa mann i slutten av tenåra som aldri tidligare har vore i kontakt med politiet, kom tilbake til drosjen og starta med å ramponere han. Drosjesjåføren måtte rømme frå staden.

Ein kollega av drosjesjåføren kom til unnsetting, men vart så sterkt truga av gjerningsmannen at han måtte trekkje seg unna.

Politiet fikk tak i gjerningsmannen kl. 05.08. Det skjedde utan dramatikk. Han vert sett inn i politiet sin sentralarrest i Haugesund etter at det er sikra nødvendige prøver for å kunne dokumentere at han var rusa. Fornærma og vitne vil bli avhøyrt i morgontimane. I løpet av dagen vil også sikta få gi si forklaring på kva som har skjedd. Forholdet vert etterforska av Stord lensmannskontor.