Fitjar sitt damelag i handball, har kjempa seg opp frå 7.divisjon til 5. divisjon på to år. I kveld vart det likevel tap mot Kjøkkelvik.

Det bur mange talent i Fitjarlaget, noko som ikkje var vanskeleg å sjå då me var innom kampen i første omgang. Men samla vart det eit tap på 21 – 34.

-Lagmessig spelte me langt i frå opp mot vårt beste i dag, seier ein noko skuffa trenar Harald Engevik.

-Dei som kom best i frå det i denne kampen var dei yngste på laget, fortset han, og løftar fram Anna Bauge Torland, Ingvild Rimmereid og Kristine Korsvik, for heiderleg innsats.

-Men me kjem nok sterkt igjen som lag i neste kamp, legg han til.