Fitjar-juniorane innleidde sesongen med 2-4 tap for Stord 2 på eit vått og kaldt kunstgras onsdag kveld.

Det unge Fitjar-laget var absolutt på talefot med kveldens motstandar frå Stord, men eit par billige baklengsmål øydela. Stord gjekk tidleg opp til 1-0, og 2-0 kom etter rundt ein halv times spel i første omgang. Eit par minutt før pause scora Goff Artsamai på ein corner som gjekk rett i mål. Då var Fitjar-gutane skikkeleg på hugget ei kort stund, og augna utlikning. Men i staden var det Stord som scora i siste sekund av omgangen, på straffe.

I byrjinga av andre omgang reduserte Fitjar til 2-3 ved Nils Ingard Tislevoll, men nærmare kom dei aldri. Ti minutt seinare gjekk Stord opp til 4-2 på ein corner som gjekk rett i mål med god hjelp av ruskevêret.

Fitjar stilte med dette laget:
Andreas Torland, Emil Fitjar, Martin Vestbøstad, Nils Ingard Tislevoll, Lars Fitjar Waage, Mads D. Helland, Kjell André Thorland, Bernt-Ove Maraas, Goff Artsamai, Frode Malkenes og Håkon Tørnquist.

Innbytarar:
Joakim Vestbøstad og Mats Brakedal.

Fleire av desse er gutespelarar, yngstemann er Frode Malkenes, fødd i 1997. Til liks med resten av laget viste dei yngste brukbare takter. Best på Fitjar i kveld var nok midtbanemotoren Kjell André Thorland.