Fitjar gjekk på eit 0-2 tap mot Hovding.

-Hovding er eit godt lag, og vann fortent, men me har likevel tendensar som syner at me bør kunne kjempa om sigeren mot slike lag òg. Mellom anna spela me til tider fin fotball i denne kampen, seier fitjartrenar Roald Hansen.

– Me  blei likevel for trøytte mot slutten, så me må nok få spelarane i endå betre form, skal dette halda heilt, legg han til.

Her er Agnar Aarskog sin kommentar: 

Hovding vann fortent over Fitjar i dagens kamp i Fitjar Idrettspark.  Hovding tok tak i kampen frå start og leia 2-0 før det var gått  15 minutt.  Hovding var best i første omgang, men mot slutten av omgangen kom Fitjar meir med og produserte nokre halvsjansar.  Den største sjansen hadde Fitjar nett før Hovding scora sitt første mål, det var Kjell Magne Halleråker som var gjennom og var svært nær og scora.  Etter denne sjansen kontra Hovding inn mål, Fitjar var då i undertal og viste dårleg forsvarsspel.Andre omgang starta som den første med eit press frå Hovding, dei hadde nokre store sjansar, men ein svært god Torstein Myhre var i det umoglege hjørne og Fitjar slapp med skrekken.

Etter kvart kom Fitjar meir med og hadde ein del store sjansar, m.a. hadde trenar Roald Hansen ein skot i tverrliggjar og ned på strek.  Fitjar var med på notane i resten av 2 omgang og klarte 0-0 i den siste omgangen.

Alt i alt var Hovding eit betre lag og vann fortent.  Men Fitjar gjorde ikkje ein dårleg kamp og må sjå positivt fram mot neste kamp som alt kjem på laurdag heime mot Follese.

Ein lokal jury kåra Stian Hatlevik som dagens spelar. Eg ville nok også tatt med Torstein Myhre som dagens, han var svært god i dag.