Fitjar var fredag kveld på Askøy og spelte den siste vårkampen mot Hetlevik, men måtte venda poenglause heim att.

Fitjar opna best og tok styringa frå start av. Laget var aggressivtog skapte ein del sjansar framfor Hetlevik-målet, men dessverre utan utteljing. Etter 21. minutt tok Hetlevik leiinga på hjørnespark, og kvarteret seinare har Hetlevik «putta» på endå to gonger, slik at dei leier heile 3-0. Alle måla kom etter dødball, der det unge Fitjar-laget sleit med markeringa på aggressive Hetlevik-spelarar.

Etter dette er det Fitjarlaget som trykker på for utteljing, laget produserer fleire store sjansar utan at det lykkast å setja ballen bak Hetlevik sin siste skanse. men eit par minutt før pause får Fitjar ei viktig redusering til 1-3, fullt fortent. Mats Brakedal pressar Hetlevik sin Keeper på eit tilbakespel og set ballen i mål.

Andre omgang startar med Fitjar-trykk mot heimelaget sitt mål; laget skaper fleire store sjansar, men er for unøyaktig føre motstandermålet. Thomas V. Waage er frampå fleire ganger og burde hatt «putta» på minst ein gong. Hetlevik si oppskrift gjennom heile kampen var lange baller opp på hurtige angriparar, laget har knapt 2-3 trekk i laget, men «klinkar» ballen opp ved første høve.

10 minutt før slutt reduserer Roger Almås til 2-3 direkte på frispark frå 25 meter. Fitjar-laget trykker no på for utlikning på slutten, laget sender opp meir folk i håp om og å få med eitt poeng heim til Fitjar. Dette fører til større rom å springa i for dei hurtige angriparane til Hetlevik, og laget kontrar inn to mål heilt på slutten av kampen.

5-2 gir ikkje eit rett bilde av det som skjedde ute på banen i denne kampen. Fitjar burde iallfall hatt med seg eitt poeng. Laget spelar i store perioder bra fotball, men når ein ikkje set sjansane sine, og i tillegg slepp inn mål der ein ikkje heng med i markeringane, så blir det vanskeleg å ta poeng. Det unge Fitjar-laget med 7 juniorar i startoppstillinga, denne gongen kan likevel ta ein velfortent sommarpause.