Tiåringane til Fitjar måtte tola tap både mot Kjøkkelvik og Søreide på heimebane i dag.

I den første kampen hadde Kjøkkelvik god kontroll frå start til mål, og vann så klart som 11-3. Den andre kampen, mot Søreide, blei meir spanande. Ved slutten av første omgang kunne det sjå ut som om me ville få eit så uvanleg pauseresultat som 0-0. Men vel eit minutt før pause gjekk gjestene opp til 1-0. I andre omgang drog Søreide jamt og sikkert frå, og vann til slutt 6-0.

På Fitjar såg me fleire lyspunkt, bl.a. Jonas Midtsæter i mål, og fine scoringar av utespelarane Leander W. Reigstad og Daniel Prestbø.

Fitjar sitt lag:
Jens Øien Kloster, Johannes Sandvik, Leander W. Reigstad, Berner Haukeland, Ronny Børtveit, Nikolai A. Halleråker, Jonas T. Midtsæter og Daniel Prestbø.