Fitjar-damene spela heimekamp mot Bjarg søndag ettermiddag, og vann med suverene 28-18.

Innleiingsvis i årets serie spela dei bortekamp mot det same laget, og etter ein dårleg kamp den gongen tapte dei med tre mål. No har Fitjar-damene reist seg, og det var vel ingen utanom damene sjølve som frykta for at dei skulle tapa i dag!

Med bortekampen i «bakhåve» vart det ei litt nervøs opning, men sakte men sikkert drog dei i frå Bjarg sitt lag. Alle spelarane fekk bra med speletid, og i periodar tok Bjarg noko innpå, men avstanden var altfor stor til at ein kunne frykta noko. Fitjar ligg no på 3.-plass på tabellen. Dette var siste heimekamp før jul; no ventar to bortekamper i veka som kjem før dei tek juleferie.

Fitjar sin beste spelar i dag var Charlotte Solberg, som med sitt gode forsvarsarbeid og sin gjennombrotsvilje scora fem mål. Maria Larsen blei toppscorar med seks mål.

Fitjar sitt lag (mål i parentes):
Kristine Korsvik (målvakt)
Solveig Fitjar (målvakt)
Charlotte Solberg 5
Randi Thorland 4
Marita Nysæther 1
Miriam Almås 1
Maria Larsen 6
Amalie Korsvik 2
Ingvild Rimmereid 3
Ingvild Kannelønning 4
Kristin T Dahl 1
Lillian Gjuvsland

Terminliste, resultat og tabell finn me på sidene til www.handball.no: