Siren Vik kom ikkje på scoringslista, men var som vanleg blant dei beste på banen. Foto: Kjetil Rydland.
Fitjar sine jenter i 15-årsklassen har ein strålande sesong, og tysdag kveld blei det heile 7-1 over Flaktveit.

 

Jentene vann serien i vår og rykte opp til 1. divisjon føre haustsesongen. Her ser dei ut til å ta nivået ganske bra, og ligg etter kveldens storsiger midt på tabellen, etter to tap og to sigrar.

Den første sigeren kom mot Stord 1 for ei to veker sidan, og i kveld var det gjestene frå Flaktveit i Åsane som fekk svi. Fitjar hadde bra kontroll frå byrjinga av kampen, sjølv om dei vakla litt på det fine graset.

Etter at Fitjar hadde teke leiinga i byrjinga av kampen, utlikna Flaktveit på eit aldeles nydeleg langskot frå vel 20 meter. Men derfrå og inn var det Fitjar som styrte ståket. Til pause stod det 3-1 til Fitjar, og dei gav seg ikkje før dei var oppe i 7-1.

Målscorarar for Fitjar i dag var Rebekka Tverborgvik (3), Linnea Vestbøstad (2), Mari Hatlevik (1) og Tori Vestbøstad (1).

Førstkomande søndag skal jentene heilt til Voss, og neste heimekamp er mot Austevoll 1 tysdag 25. september. Tabell og terminliste finn du på linken J15 1. divisjon haust 2018.

Fitjar sitt lag mot Flaktveit: Tuva Nysæther, Sofie Rimmereid, Anna Sandvik Bø, Rebekka Tverborgvik, Tori Vestbøstad, Marion Træet (k), Mia Volden, Siren Vik, Linnea Vestbøstad, Mathilde Kloster, Mari Hatlevik, Julie Midtsæter, Emilie Skram Isdahl, Live Bukkholm Stegane.

Linnea Vestbøstad scora som vanleg to mål. Foto: Kjetil Rydland.