Stord sine nest beste var langt frå gode nok mot Fitjar i treningskampen på kunstgraset måndag kveld, sjølv om Fitjar mangla fleire av sine beste menn.

Fitjar måtte stilla utan fleire av dei faste i kveldens treningskamp mot Stord 2, men det såg ikkje ut til å vera nokon hemsko for velspelande Fitjar-gutar.

– Det er kjekt å mange å ta av, slik at det nesten er det same kven me drar opp av hatten, sa ein fornøgd hjelpetrenar, Trond Henriksen.

Han såg det alle andre såg denne sure kvelden på kunsten, at spelarane hans spelte ut meir ambisiøse stordabuar.


Ein smilande hjelpetrenar, Trond Henriksen, konstaterer at Fitjar spelar ut Stord. T.h. Adrian Mehammer. Foto: Kjetil Rydland.

Fitjar-forsvaret – med Brynjar Skår Bergesen i mål – hadde god kontroll på Stord, som nesten ikkje kom til ein einaste skikkeleg målsjanse. Og det vesle som kom, tok keeperdebutanten seg av.


Kjell André Thorland dominerte på midtbanen til Fitjar. Foto: Kjetil Rydland.

 
Fitjar viste markert spelemessig framgang frå kampen mot Djerv 1919, og etter kvart rann måla inn i motstandarmålet. Heile 7-1 blei sluttresultatet, etter 3-0 ved pause, i ein kamp det det meste lukkast for Fitjar.

Måla kom slik: 4 min. 1-0 Thomas V. Waage, 12 min. 2-0 Øyvind Fykse Lie (str.), 26 min. 3-0 Adrian Mehammer, 54 min. 4-0 Sander Tverborgvik, 69 min. 5-0 Badi Hurasi (str.), 80 min. 6-0 sjølvmål, 86 min. 7-1, 88 min. 7-1 Sebastian T. Thomassen.

 


Det trufaste Fitjar-publikummet konstaterer at spelet varmar meir enn veret denne måndagskvelden. Foto: Kjetil Rydland.

Fitjar stilte med dette laget (4-2-3-1):
Brynjar Skår Bergesen, André Helland, Sander Tverborgvik, Emil Fitjar, Leif André Tangen (Torkel Nesbjørg 45.), Helge Træet, Kjell André Thorland, Øyvind Fykse Lie (Torbjørn Korsvik 45.), Badi Hurasi, Adrian Mehammer (Frode Malkenes 53.) Thomas V. Waage (Sebastian T. Thomasssen (45.).