The Revivals og På Hell trekte fullt hus i Fitjar kultur- og idrettsbygg i går kveld.

Dei som ikkje hadde fått nok festival og musikk då laurdagen var på hell, avslutta dagen i Kultursalen. Først underheldt det lokale dansebandet med Elvis- og Creedence-musikk. Som vanleg visste publikum å setja pris på stemninga, både ved borda i Kultursalen og på dansegolvet.

Det populære Fitjar-bandet såg ut til å gi alt – slik dei plar lova – og publikum var etter kvart meir enn klare til å ta imot sørlandsbandet På Hell. Godt over midtnatt overtok dei tilreisande musikantane, og så vidt me kunne forstå, heldt dei lovnaden sin om like god trøkk og stemning som i fjor.