Crosskartførarane i Danmark har berre kjørt eitt innleiande heat i dag, og dei fire favorittane la beslag på dei to første plassane i kvar sitt heat.

I det første heatet vann Thomas Lohne Frå Horten framfor Per Bjørnson, som leier NEZ  samanlagt.

I Ingve André sitt heat fekk me sjå ein knivskarp duell med den svenske favoritten Lukas Walfridson.

Svensken fekk straks ei solid leiing frå beste startspor, medan Ingve måtte kjempa seg opp frå bakarste startspor.

Midt i løpet kunne det sjå ut som om svensken hadde god kontroll, men Ingve André kom sterkt på slutten.

Ved målpassering mangla han berre ei billengd på å slå svensken.

Ingve seier seg likevel godt fornøgd med dagen. Alle dei fire beste er med i toppen framleis, og berre morgondagen vil syna kven som har mest klaff og dreg av garde med det gilde trofeet.