10.klassane på Rimbareid skule er nett komne tilbake frå turen med Aktive Fredsreiser til Polen der ein mellom anna vitja Auschwitz. Ein sterk tur for både ungdomar og vaksne.

– Eg (Besto) var så heldig å få vera med på tur, då to flotte 10.klassar frå Fitjar var på tur Krakow og Berlin 16.-23.september. Det har gjort stort inntrykk på oss alle. Samstundes var det kjekt å vera med på tur med ei så kjekk gjeng. Dette kjem eg ikkje til å gløyma, skriv Solfrid Nes som bur i Ølve.

I papirutgåva til Fitjarposten som kjem i dag, har Ann-Sofie Drønen skrive eit levande reisebrev om turen. Her tek vi med ein enkét som òg Drønen har laga.

FEM  PÅ TUR

– Korleis det var å vera med på ein slik tur.

Nils Ingmar Dalen

Det var kjekt å vera på tur med klassen og kjekt å ha fri frå skulen. Me hadde mange flotte og kjekke opplevingar saman. Det kjekkaste trur eg må vera Tropical Island.

Judith Emilie Hageberg
Det var veldig kjekt å vera med på tur. Det var eit ganske travelt program me skulle igjennom, men me fekk jo gjort ufatteleg mykje på ein dag! Ein kjempekjekk tur med ein kjempekjekk gjeng!

Sjur Rydland
Det var veldig lærerikt og kjekt. Ein lærte mykje og blei betre kjend med dei ein allereie kjende.

Tonje Gerhardsen
Det var kjempegøy å vera på klassetur til Polen/Tyskland. Det gøyaste på heile turen trur eg må vera når me var i Tropical Island og shopping i Krakow.

Aslaug Karine Flatråker Ottestad
Turen til Polen /Tyskland var gøy, men også tung. Historier og minnestunda gjorde at ein innsåg kva som hadde skjedd. Men me gjorde kjekke ting også. Turen var svært lærerik, og ein fekk innblikk i korleis det var.