TX-Vikings kom seint i gang, men dei kom godt. Fantastiske døme på rå styrke, og eit tindrande klårt vitnemål om kristen tru som set fri frå liv i kriminalitet og rus.

Og kva fekk me sjå. Jo, knusing av betongblokkar med hovud, føter og armar.  I Kultursalen i kveld knuste dei på det meste 13 blokkar på ein gong. I tillegg reiv dei telefonkatalogar i to, pressa brusboksar til dei vart delte i to og pressa saman ei steikepanne til ho til slutt såg ut som ei burritoslefse, for å nemna noko.

Gruppa har halde det gåande i sju år. Nokre er faste medlemer, mens ein del av dei er med av og til. Felles for dei er at dei har lagt eit hardt liv bak seg og no brukar tida på å kjempa mot kriminalitet og rus – og fortelja kva Jesus har gjort i deira liv – oftast i samarbeid med lokale kyrkjelydar.

– Me vil ikkje berre sitja i kyrkje og bedehus. Me må ut og fortelja om Jesus der folk er, sa ein av dei  til fitjarposten.no. Østensen har mellom anna ei fortid som kroppsbyggjar.

Mellom 150 og 200 publikumarar fekk med seg showet, og  mange responderte positivt tilbake.