Ein 19 år gamal fitjarbu var nok i det fullaste laget då han tok seg inn i eit hus på Stord, la seg i ei seng og sovna.

Det var klokka 07.56 i dag tidleg at politiet fekk melding frå ein huseigar på Stord at han hadde funne ein ukjent gut liggjande og sova i ei seng i huset. Huseigaren fekk ikkje vekt han opp og tilkalla politiet.

-Ein politipatrulje vart sendt til staden og fekk etter kvart vekt karen. Det synte seg at han var så rusa at han ikkje visste kvar han var og hadde gått inn i eit hus der han altså hadde sovna, opplyser operasjonsleiar Tore Frøyland-Jensen ved Haugaland- og Sunnhordland politidistrikt.

Fitjarbuen vart køyrt til Leirvik, slik at han kunne ta bussen heim.