Heilt ifrå morgonen av i dag yrte det av folk på Sjøsio, og ikkje minst i Bodgata. Det nærmaste eg kan samanlikne det med er trengselen etter samlingane på Festplassen i Bergen 17. mai – eller som sild i tønne. Foto: Håkon C. Hartvedt

Men så er det nett slik me vil ha det når det er Fitjarfestival. Mange glade folk, godprat i nydeleg vêr – og kjekke ting som skjer, heile tida. 

Slik har det vore i år. Og me vert slett ikkje overraska om me passerer 4000 og vel så det når talet på folk i Bodgata dei tre dagane blir plussa saman med folka på konsertane og dei andre arrangementa.

Me merka det allereie i går. Då var det like mykje folk i Bodgata på fredagen som det var på laurdagen i fjor, og i dag vågar me å påstå at det var dobbelt så mange som på festival-laurdagen i 2014.

At me skulle få eit slikt festivalvêr etter alt det dårlege vêret denne sommaren, er berre strålande.

Folk koste seg på Sjøsio i dag. Håkon C. Hartvedt