Kraftig snødrev, plussgrader og glatte vegar skapar utfordringar i dag.

Kombinert med smale vegar, høge asvaltkantar, tungtrafikk og mange bilistar på vegane er det kanskje ikkje rart at det blir litt trafikk-kort her og der. På riksvegen ved Rimbareid samla det seg i tolvtida lange køar begge vegar etter at ein hengar kom utforbi vegen. Mange fekk mykje ryggetrening i det tette snødrevet som gav dårleg sikt. Alt ordna seg etter kort tid. Korken førde likevel til stor trafikk over Rimbareid, men heldigvis var dette før alle skuleungane kom vandrande på vegen som levande snømenn, dekka på alle kantar av den våte snøen som lava ned.

Mange små var yre av glede i dag over denne anledningen til å boltra seg i snøen, og me unner dei den gleda, sjølv om det kan skapa litt utfordringar for oss vaksne.

Har du bilete av snøvêret, som du ønskjer å dela med andre her på fitjarposten.no? Send bilete på MMS til 902 92 923 eller på e-post til post@fitjarposten.no.