Innflyttarar frå mange land stod på stand hos Spar Fitjar i dag.

Dei let oss få smake mange godbitar av matrettar som høyrer til i heimlanda deira og oppskrifter  følgde med. Nokre  oppskrifter såg innvikla ut og det var så mange ingrediensar som høyrde til. Likevel fann me ei lettvinn oppskrift på velsmakande Litauen-sild til pålegg.  I ei  kort samtale med Odd Sverre Larsen fekk me vite at Spar Fitjar sponsa ingrediensane til det som vart servert, men han ville ikkje ha fokus på det. – Det viktigaste er at våre nye innbyggjarar  får vise seg fram og blikjende,  at me får smake deira rettar og bli inspirerte til å lage noko av det, poengterte Odd Sverre. Og butikken har auga for å skaffe krydder eller anna som ikkje er vanlege for oss.  Ideén til dette har grodd fram gjennom fleire år, fekk me vite, og i fjor vart det gjennomført for første gong. Me høyrde mange fine kommentarar etter serveringa i dag. Maten fall som sagt i god smak og me vart møtt av hyggjelege servitørar.   

Kva synest våre internasjonale vener om smaksprøva på norsk mat  i dag? Borgny J Vevle Tufte serverte lefse som vel alle fitjarbuar  set pris på.Ho representerer Fitjar vidaregåande skule, elev ved Vg2: Kokk- og servitørfag.                                                                 

Søndag ettermiddag  blir det servert internasjonale kaker, saft og kaffi på innbyggjarfesten  i Kultursalen. Festen startar klokka 17.00.

Ingressbilete: Mat frå Litauen . Foto Turid Sandvik