Helge Johannes og Synnøve Koløen hadde 26 barneborn. Av desse er det 22 som lever. Dei er i alderen 64 – 89 år. I helga vart det arrangert søskenbarntreff for desse.

Så mange som 21 hadde høve til å kome, frå Alta, Oslo/Austlandet, Bergen, Toft, Ryfylke, Sandane, Stord og Fitjar.

Ektefeller og attlevande ektefeller var òg med på treffet, rundt 40 til saman.

– Vi blei velsigna med godt vêr trass i regnfulle dagar både før og etter helga. På programmet stod koldtbord, kaffi, quiz og korpsmusikk på Øvrebygda bedehus og tur til Koløyo på laurdagen pluss frukost, gudsteneste og busstur til Vindmølleparken med Johannes Koløen som guide på søndagen.

Mykje mimring og deling av gode barndomsminne, fortel Kari Fjugstad Giske til fitjarposten.no.

Musikk
Giske fortel vidare at på laurdagen kom ni av tippoldeborna til Helge Johannes og Synnøve for å spele korpsmusikk for dei. Anna, Mari, Eline, Ole, Anders, Kaja, Kristian, Oda og Ingvild frå Fitjar skulekorps stilte velvillig opp. Ca 25 % av borna/ungdommane i Fitjar skulekorps er tippoldeborn av Helge Johannes og Synnøve. Nokre av desse kunne ikkje vere med denne dagen. – Men dei ni som kom, spelte veldig flott, seier Kari og konkluderer:

-Vi hadde to flotte dagar saman og vil absolutt anbefale slektstreff for dei av dykk som ikkje har hatt det på ei stund!

Musikantane.