Biblioteksjef på Tysnes, Knut Rage, heldt i ettermiddag kurs i slektsgransking på Fitjar folkebibliotek.

Mange var det ikkje som nytta seg av dette høvet til å læra om slekta si. Men dei som møtte fekk gode råd og nyttig rettleiing om vegane å gå når ein skal ta fatt på dette. 

Dei fekk òg med seg nokre «fjellvitreglar» for slektsgranskinga.

  • Noter alltid kjelder.
  • Bruk kjeldekritikk. 
  • Ver systematisk. 
  • Ikkje gap over for mykje.
  • Nokre ting får du aldri svar på. 
  • Ver nøyaktig og tolmodig. 

Tips om kvar ein finn gode kjelder, og ein del nyttige internettadresser, vanka det òg.

Til slutt fekk deltakarane sjå litt på ymse dataprogram – og rettleiing i korleis ein skal ta seg fram i Digitalarkivet.