Juniorlaget til Fitjar IL har for det meste slappa etter at dei kom til Hirtshals søndag morgon.

Trenarane Rune Brakedal og Ketil Fykse fortel at fotballspelarane har brukt mesteparten av tida til avslapping. Søndagen gjekk med til lettare restitusjonstrening etter reisa med danskebåten. Volleyball, ein lett joggetur på den endelause sandstranda mot vesthavet, og bading i diverse basseng inne og ute, med og utan bobler, stod på programmet.

Rune Brakedal fortel at måndagen også går med til lettare restitusjonstrening, slik at spelarane er best mogleg førebudde og kampsugne når morgondagen gryr.

 

Dei 19 spelarane blir rapporterte å vera i godt slag, og stemninga i troppen skal vera god. Dette har Fitjarposten kunna konstatera sjølv på nært hald, og alt bør liggja til rette for topp innsats når alvoret startar tysdag kl. 13.30.