Onsdag morgon melder Torghatten Nord om forseinkingar i ferjesambandet Halhjem-Sandvikvåg. Ferjene får problem med å legge til kai i skodda.
Skrive av Cassandra Grundtvig Jespersen
– Skodda kjem inn i Selbjørnsfjorden, så det er på Sandvikvåg problemet er, seier driftssjef Fredrik Moe i reiarlaget til Sunnhordland, som først omtalte saka.
Ventetida for dei reisande på strekninga er i morgontimane på om lag 45 minutt.
– Når mannskapet ikkje ser kailyset, er det ikkje trygt å gå inn. Me gjer dette med omsyn til passasjerar, mannskap og ferje, seier driftssjefen.
Han seier at mannskapet reknar med at sola snart kjem fram og at trafikken kan gå som normalt igjen.
