Bård Inge Bø mot mål i Fredagstrimmen, med ei klar leiing på Marius Pedersen.

Første utgåva av Fredagstrimmen blei gjennomført i Fitjar Idrettspark i kveld under mykje regn og rusk, med berre sju deltakarar på startstreken.

Dei seks tøffaste fitjarbuane me kjenner, fekk ei solid gjennomkøyring i den 1280 meter lange løypa i og ved Fitjar Idrettspark. Sjølv om løypa er kort, så får deltakarane prøva seg både oppover og nedover.

Fitjar Idrettspark med løypekart for Fredagstrimmen.

Starten går på tribunesida i idrettsparken, og etter 280 meter på banen tar løypa seg opp mot parkeringsplassen for Bakken barnehage og opp mot innløpet til Rossneset.

På toppen av bakken går løypa videre nedover og deretter opp igjen til idrettsbanen, og løpet blir avslutta inne på banen der starten gikk.

Bård Inge Bø tok tidlig leiinga i løpet, følgt av Marius Pedersen. Ved målgang hadde Bård Inge Bø ei god luke til nestemann i mål.

Utanom friidrettsgruppa sine utøvarar gjennomførte fleire unge utøvarar løpet, blant desse Harald Rydland Sæbø.

Det neste løpet i Fredagstrimmen startar kl.18.30 den 27. september. Dagens frammøte i grisvêret var vel som venta, men friidrettsgruppa, som står bak arrangement, håpar at fleire tar utfordringa neste gong.

Harald Rydland Sæbø på veg mot mål.
Fredagstrimmen 30. august 2019    
Bård Inge Bø 4.16
Marius Pedersen 4.46
Ingeborg Sørfonn 8.30
Amalie Bergesen 9.51
Markus Thomassen 8.36
Harald Rydland Sæbø 6.00
Håkon Rydland Sæbø 4.54

- Annonse -