Kjell Haavik (t.v.) og Alf Træet testar kostyma, medan dei øver på «Tango for to» av Alf Prøysen. Arkvifoto: Ingrid Hovstad/Fitjarposten

 Osternes mannskor set opp ny framsyning av «Søndagsposten».

I januar fylte mannskoret kultursalen på Fitjar to kveldar på rad med kabareten sin. No set dei opp ekstraframsyning den 26.april.

Med kabareten «Søndagsposten» heidrar dei Alf Prøysen og Erik Bye, som begge var aktive i det populære radioprogrammet «Søndagsposten». Osternes mannskor kjenner publikumet sitt, og veit at mimrestoff som dette treff godt.

Tekstane til Prøysen og Bye gjev ein fin balanse mellom humor og alvor. Koret har sett saman eit stort program, med nesten 30 songar. Elles har dei med seg eit dyktig band, og dyktige Gurid Refsvik som solist.

Koret er ein populær gjeng, og har fleire gongar synt fram kabaretane sine utanfor Fitjar. I morgon vitjar dei Etne kyrkje, og på fredagen skal dei til Frelsesarmeen på Leirvik.

Allereie no kan ein skaffa seg billettar til ekstraframsyninga den 26.april.

– Billettar kan kjøpast hos «Theo» eller på nett, seier formannen i koret, Karvel Strømme. Han håpar mange tek turen til ekstraframsyninfga.

- Annonse -