Frå eit skytestemne i Årskog i fjor, då skyttarkongen frå 2016, Daniel Sørli t.h. var på besøk.

Sunnhordland Skyttarsamlag saman med Fitjar Skyttarlag arrangerer banestemne på skytebanen i Årskog i morgon, søndag 19. august.

Det er leiar i Fitjar Skyttarlag, Anna Bodil Hestenes Tislevoll, som skriv dette i ei pressemelding.

Sunnhordland Skyttarsamlag består av 17 skyttarlag i Sunnhordland, i tillegg til Haugesund.

Til stemnet søndag er det påmeldt 128 skyttarar fordelt på 14 ulike klassar. Skytinga startar allereie om morgonen med innleiande skyting, der skyttarane skyt 25 skot kvar. Når innleiande skyting er ferdig, er det lagskyting og til slutt finaleskyting både på 100 og 200m.

Det er første gong Fitjar Skyttarlag arrangerer Samlagsstemne på skytebanen i Årskog.

– Sist laget arrangerte Samlagsstemne, for 15 år sidan, leigde vi skytebanen på Isdal, skriv Anna Bodil H. Tislevoll i pressemeldinga.