Å koma inn på Rimbareid skule i dag var mest sydlandsk. Her var det karneval og kostyme kor du snudde deg. Både elevar, assistentar, lærarar og rektor med hadde kledd seg ut.

No er det ikkje første gongen at ein arrangerer karneval på Rimbareid skule, men truleg er det første gong i eit slikt omfang. I dag deltok heile småskulen og ungdomsskulen. I morgen er det mellomtrinnet sin tur.

– Det er veldig kjekt å kunne gjere slikt like før vinterferien, seier ein strålande nøgd rektor, Siv Grete Stamnes, til fitjarposten.

Ho rosar spesielt primus motorane Maria Solheim Thorsen og Ann Sofie Drønen. – Det er gull verdt å ha slike folk på ein skule, seier ho.

Småskulen i gymsalen
Då fitjarposten var oppom skulen var småskulen sitt arrangement over. Bileta er såleis frå ungdomsskulen sitt arrangement. Småskulen hadde likevel ei storarta stund der både store og små hadde kledd seg ut, opptrådte for kvarandre og dansa til sambamusikk, fekk me vite.

Sjå biletserie nedanfor.