Ein dugnadsgjen frå Fitjar IL fjerna mykje busk og kratt ved idrettsbanane fredag ettermiddag.

Ein ung mann med traktor og 15 litt meir tilårskomne menn med hagesakser og motorsager brukte nokre hektiske ettermiddagstimar i går til å rydda ved idrettsanlegga. Når ikkje sauer og geiter held vegetasjonen nede, gror det til over alt.

Så også ved idrettsbanane og langs vegen opp til grasbanen. Derfor hadde dugnadsleiar Geir Tore Søreide fått med seg ein gjeng tidlegare fotballspelarar for å rydda. Arbeidet med motorsag og brakesaks gjekk med liv og lyst, og dugnadsleiaren seier seg godt nøgd med innsatsen. No ser det mykje fjelgare ut, men det bør nok ikkje gå så altfor lang tid før ein sliper sakser og sagkjeder og går på igjen.