Politiet fekk kl. 1945 i går kveld melding om ein båt som låg og dreiv ved Langenuen utan teikn til folk og utan tente lanterner.

– Båten vart observert frå land. Det vart sendt redningsbåt mot havaristen for å undersøkje. Ein rusa person vart funnen om bord. Han og båten vart taua til land.

Politiet overtok båtføraren og nødvendig blodprøve vart teken. Den 40 år gamle båtføraren erkjente å ha ført båt i rusa tilstand. Han vart lauslaten etter avhøyr, opplyser operasjonsleiar ved Haugaland og Sunnhordland politidistrikt, Agnar Austerheim.