I Tyrkia får fotballgutane frå Fitjar hjelp av ein sambygding som er landslagsspelar i rugby, toppseriespelar i fotball og fysioterapeut.

Seniorleiar Roald Drønen sendt oss ein ny optimistisk rapport frå treningsleiren i Tyrkia, og fortel at Kari Fykse Lie er til god hjelp.

Kari Fykse Lie er med fotballgutane frå Fitjar som fysioterapeut på treningsleiren i Tyrkia. Ho er einaste jenta i Hane Garden, som hotellkomplekset heiter. Ho tek seg av oppvarming og uttøying i samband med kvar trening.

– Di fleire økter gutane får i stive bein, di viktigare blir jobben hennar, fortel Roald Drønen.

Taping av sure føter høyrer også med til jobben hennar. Ho har med mange nye øvingar som gjer at både hyl og latter sit laust i den humørfylte gjengen.

Elles får ho litt tid til eigentrening framfor EM i rugby til sommaren. Kari er sjølvskriven i den norske troppen til EM i Bergen 7. og 8. juni.

Du kan lesa meir om EM på sidene til Norges Rugbyforbund.