God innsats av ti friidrettsungdommar frå Fitjar på romjulstemnet på Vikahaugane torsdag 29.12.11.

Ådne Vik (14) imponerte kanskje aller mest med pers i høgde med 1,44 m.Tone Brakedal (13) viste igjen at ho er utilnærmeleg her lokalt i sine tre øvingar. Resultata i høgde (1,34), lengde (4,45) og 60 m (8,98) er alle noko bak persane, men heldt i massevis til tre sigrar.

Ein sjukdomsredusert Andreas Vik (13) synte gryande høgdetakter med pers på 1,24 m, og radarparet Ole Rørvik og Markus Vik (begge 12) kjempa to jamne duellar i lengde og på 60 m. Alle resultata er personlege rekordar.

Elles synte rekruttane Marius Torbjørnsen (9), Mari Hatlevik (10), Rebekka Tverborgvik (10), Lars Rydland Sæbø (8) og Anna Sandvik Bø (8) at det gror godt bak dei største atletane.