Transportleiar Trod Vegard Strand og Lars J. Rydland i Røde Kors takkar Therese Nysæther og Håvard Singelstad i Fitjar Kraftlag for viktig støtte. Foto: Kjetil Rydland.

Stord Fitjar Røde Kors hjelpekorps fekk tidlegare i år 15 000 kroner i støtte frå Fitjar Kraftlag, og no har dei fått nye belte på ATV-en sin.

Hjelpekorpset har ein viktig beredskapsfunksjon på Stordøya, og det er viktig at utstyret deira fungerer slik det skal. Derfor ynskjer dei å takka Fitjar Kraftlag og dei andre bidragsytarane for støtta dei har fått til å kjøpa nye belte til ATV-en sin. Med 15 000 kroner frå Kraftlaget, 10 000 kroner frå kvar av kommunane Stord og Fitjar og 5000 kroner frå Fitjar fjellsameige fekk dei til saman 40 000 dei nye belta.

Med ATV kan hjelpekorpset ta seg fram nærmast over alt, men om vinteren kjem dei ikkje langt utan belte. Derfor er gleda stor over at dei har fått råd til å dekkja denne store kostnaden. Og i går kunne dei to hjelpekorpsarane stolt visa fram den spreke køyredoningen, klar til innsats i snøen på fjellet.

– Det er kjekt å bidra til slike ting, seier kraftlagssjef Håvard Singelstad til Lars J. Rydland i Røde Kors.

Lars J. Rydland fortel at det var han som passa på å søkja Kraftlaget under dei store pengeutdelingsrunden i vår.

Transportleiar i hjelpekorpset, Trond Vegard Strand, slår fast at no er dei klare til innsats. Dei har belte på ATV-en i vinterhalvåret, fram til snøen er borte i fjellet. Han kan køyrast med belte på sommarføre også, men då er han for tung å manøvrera. Derfor tek dei av belta om våren, det tar berre ein halvtime. – Det er om lag som eit hjulskift på bilen, seier Strand.

Til dagleg skal ATV-en stå klar til innsats ved bedehuset på Fjellgardane. Der står han  sentralt plassert i tilfelle utrykning i Stordafjellet. Men er det aktuelt tek dei han med seg til Fitjar, og kan til dømes rykkja ut i Fitjar via vindmølleparken i Midtfjellet.

Håvard Singelstad i Fitjar Kraftag synest det er kjekt å bidra til slike ting:

– Dette er eit kjempegodt tiltak, slår han fast.

- Annonse -