Det har vore Syden-stemning i Fitjar dei siste dagane. Temperaturen har runda 30 grader i lufta, og Fitjarposten har målt over 23 grader i sjøen.

Fitjarposten har vore på ein bortgøymd idyll i Fitjar i helga. Søndag ettermiddag målte me badetemperaturen til 23,3 grader 20 cm under vassflata. På eit par meters djup var temperaturen ca. 21 grader.

Det var såleis ingen grunn til å sitja på land og hutra. Store og små kasta seg i sjøen, og koste seg som i Syden.