Jenter12 spela sterkt mot Nordre Halsnøy. Foto: Ingrid Hovstad

Andre dag av årets handballfestival leverte tidelaust regn, vått dekke, glatt ball og mange tap til Fitjar. Men det var eit lyspunkt i regnet: Jenter12.

Jenter 12 starta dagen trått med to tap. Askøy vann først 8-2, før Nore Neset tok sigeren 7-5. På handballfestivalen går alle lag til sluttspela, og J12 hamna i B-sluttspelet etter sine 3 tap og 1 siger.

B-sluttspela byrja mot Nordre Halsnøy, og Fitjarjentene hadde verkeleg bestemt seg for å vinna denne kampen. Med flotte angrep og tett forsvar leia J12 heile kampen. På slutten var det 5-4 til Fitjar, og jentene gav verkeleg alt i regnet for å vinna denne kampen. Alle angrep frå Nordre Halsnøy vart stoppa i det sterke forsvaret, og dei få skota som kom gjennom stoppa keeper Susanne Sørfonn lett. Når dommaren blåste av kunne J13 jubla høgt, og seia at ogso i dag stod dei for einaste sigeren til Fitjar. Les om gårsdagen her.

Det vart med ein siger, men me reknar med jentene prøver att til neste år!

Fann løysninga for seint

Jenter 13 møtte hard kamp på kunstgrasbana i dag. Regnet gjorde banen og ballen svært glatt, ikkje ideelt for handballspeling. Først ut møtte J13 KFUM Stavanger. Fitjarjentene verka sletne, og poenget gjekk til motstandarane. Seinare på dagen hadde J13 funne ny motivasjon og det vart ein spennande kamp mot Sauda. Jentene samarbeida og jobba godt både i forsvar og angrep. Endeleg såg det ut som det skulle gå deira veg, men med nokre mål for lite måtte jentene sjå seg slått 8-6.

På kvelden skulle J13 møta Sandviken, men kampen vart avlyst. Sandviken valde truleg å reisa tidlegare heim grunna veret, slik fleire andre lag gjorde.

Jenter15 prøver seg mot Voss. Foto: Ingrid Hovstad

Ikkje deira helg

Jenter 15 var ikkje i form i helga, og enda opp med seks tap på seks kampar. Det skal seiast at motstandarane viste toppform, men dårleg pasningar, og manglande motivasjon og lagånd såg ut til å vera dei mest skuldige faktorane.

- Annonse -