Kl. 22.00 i går kveld fekk politiet melding om at ein 36 år gamal mann var sakna frå bustaden sin i Leirvik. Han vart sist sett då han gjekk heimanifrå ca kl. 1700.

– Mannen var iført mørk bukse, grøn jakke og blågrøn, ruta hettegenser. Kanskje òg lue. Mannen er ca 188 cm høg og har kort, mørkeblondt hår. 

Politiet har saman med mannskap frå Røde Kors Hjelpekorps, og Norske Redningshunder søkt etter mannen i heile natt. Søket har i hovudsak vore frå Leirvik i retning Sagvåg og vidare mot Sør og Nordstokken. Politiet held fram med søk på vestsida av øya.

Den sakna er framleis ikkje funne, og politiet, som no òg går ut med namn og bilete, ber alle i området om å vere på utkikk etter den sakna personen.